Болалар учун ихтисослашган телеканал ташкил этилади
Local
−
14 December 2020 6067 1 minute
Ихтисослашган болалар кўнгилочар-маърифий “Aqlvoy” телеканали (болалар телеканали) ташкил этилади. Бу ҳақда Ўзбекисnон Республикаси Вазирлар Маҳкамасининг “Ихтисослашган болалар кўнгилочар-маърифий телеканалини ташкил этиш тўғрисида”ги қарорида белгиланди.
Маълумотни қизиқарли ва тушунарли шаклда тақдим этиш орқали болаларнинг билим олиш фаоллигини рағбатлантириш, интеллектуал ва ижодий кўникмаларини ривожлантириш (edutainment) телеканалнинг асосий вазифа ва фаолият йўналишларидан бири ҳисобланади.
Мазкур телеканал:
• “Edumedia Corporation” МЧЖ қошида юридик шахс ташкил этмасдан таъсис этилади;
• республиканинг барча ҳудудларида етказиладиган умумфойдаланишдаги ижтимоий рақамли телеэшиттиришлар пакети таркибига киритилади;
• ўзини-ўзи молиялаштириш асосида фаолият юритади.
Live
All