Бокс бўйича Жаҳон чемпионати якунланди. Ўзбекистоннинг умумий натижаси қандай?

Бугун, 13 декабрь куни Бирлашган Араб Амирликларининг Дубай шаҳрида бокс бўйича катталар ўртасидаги IBA Жаҳон чемпионатининг финал баҳслари бўлиб ўтди. Унда ўзбекистонлик боксчилар 2 та олтин ва 4 та кумуш медални қўлга киритди.

Ҳасанбой Дўсматов -51 кг вазнда бўлиб ўтган финалда россиялик Баир Батлаевни 4:1 ҳисобида мағлуб этди ва икки карра жаҳон чемпионига айланди. Шунингдек, у мусобақанинг “Энг яхши боксчиси” деб топилди. 

Умумий ҳисобда ўзбекистонлик спортчилар 9 та медалга эга чиқди. Хусусан:

Олтин медаль эгалари:

• -51 кг: Ҳасанбой Дўсматов;
• -67 кг: Асадхўжа Мўйдинхўжаев.

Кумуш медаль:

• -60 кг: Абдумалик Халоков; 
• -80 кг: Жавоҳир Умматалиев;
• -92 кг: Тўрабек Ҳабибуллаев;
• +92 кг: Арман Маханов.

Бронза медаль:

• -54 кг Асилбек Жалилов;
• -75 кг Фазлиддин Эркинбоев;
• -57 кг Хўжаназар Нортожиев.

Умумий ҳисобда Ўзбекистон бокс терма жамоаси 3-ўринни эгаллади. Россия 7 та олтин, 5 та кумуш ва 1 та бронза билан биринчи, 3 та олтин, 1 та кумуш ва 2 та бронза медаль билан Қозоғистон иккинчи бўлди.