БМТ Хавфсизлик Кенгаши можаро зоналарида гуманитар ходимларни ҳимоя қилиш бўйича резолюцияни қабул қилди

Бирлашган Миллатлар Ташкилоти Хавфсизлик Кенгаши можаро зоналарида инсонпарварлик ёрдами ва БМТ ходимларини ҳимоя қилиш бўйича резолюция лойиҳасини қабул қилди.

Резолюция лойиҳаси Кенгашнинг 15 аъзосидан 14 тасининг овози билан қабул қилинди, Россия бетараф қолди.

Швейцария томонидан БМТ Хавфсизлик Кенгашига тақдим этилган резолюция барча давлатларни гуманитар ходимлар ва БМТ ходимларини, шу жумладан миллий ва маҳаллий миқёсда ёлланган ходимларни, шунингдек, тегишли шахслар ва ходимларни ҳурмат қилиш ва ҳимоя қилишга чақиради.

Резолюция, шунингдек, можаронинг барча томонларини амалдаги халқаро инсон ҳуқуқлари ва инсонпарварлик қонунчилиги бўйича ўз мажбуриятларини тўлиқ бажаришга ҳамда барча аъзо давлатларни гуманитар ёрдам ходимлари ва БМТ ходимларига нисбатан қонун бузилиши ҳолатларини текширишга чақиради.

БМТ Хавфсизлик Кенгашида қарор қабул қилиниши ортидан сўзлаган Фаластиннинг БМТдаги доимий вакили Рияд Мансур резолюциянинг ҳеч бир давлат томонидан эътирозсиз қабул қилинганидан мамнун эканини билдирди.

“Ушбу резолюция Ғазо учун мўлжалланган, гарчи унда Ғазо номи тилга олинмаган бўлса-да, халқаро ходимлар, жумладан, БМТ ходимлари ва хусусан UNRWA (Бирлашган Миллатлар Ташкилотининг Яқин Шарқдаги Фаластинлик қочқинларга ёрдам ва ишлар бўйича агентлиги) ҳимояси билан боғлиқ”, дейди Мансур.

Резолюцияда инсонпарварлик ва халқаро ҳуқуқни бузганларнинг жазосиз қолиши чақириғидан ҳам мамнун бўлганини ифода этган Мансур БМТ Хавфсизлик Кенгаши қарорининг Ғазода ўт очишни тўхтатишга эришиш ва Рафаҳнинг ишғол қилинишининг олдини олишда узоқ йўл бўлишига ишонганини қайд этди.

Эслатиб ўтамиз, ўтган ойда Америка Қўшма Штатлари БМТ Хавфсизлик Кенгашининг Бош Ассамблеясига Фаластин давлатини халқаро ташкилотга тўлиқ аъзо сифатида қабул қилишни тавсия этувчи резолюция лойиҳасига вето қўйганди.