Биз ҳали чемпионлик пойгасидан чиқиб кетмадик – Артета
Спорт
−
16 Январь 653
Лондоннинг “Арсенал” клуби устози Микель Артета Премьер лига чемпионлик курашида жамоасининг имкониятларини баҳолади. Бу ҳақда у “Тоттенхэм” билан ўйиндан кейинги матбуот анжуманида айтиб ўтди.
“Биз ҳали чемпионлик пойгасидан чиқиб кетмадик. Ҳар бир учрашувда қўлга киритилган ғалабанинг қанчалик муҳимлигини ҳис қилган ҳолда йўлимизда давом этяпмиз. Кечаги ўйиндаги ғалаба ҳам бизга катта ишонч берди ва биз энди кейинги баҳсларга тайёргарлик кўрамиз. Мен жамоа билан фахрланаман”, дейди Артета.
Маълумот ўрнида, 16 январга ўтар кечаси АПЛ 21-тури доирасида “Арсенал” ўз уйида “Тоттенхэм”ни меҳмон қилди ва 2:1 ҳисобида ғалаба қозронди. Шу тариқа, “канонирлар” турнир жадвалида пешқадам “Ливерпуль”дан 4 очко кам жамғариб, 2-ўринни қайд этиб келмоқда.
