Бивол-Бетербиев трилогиясига Москва мезбонлик қилиши мумкин

Охирги беш ой ичида Саудия Арабистони пойтахти Ар-Риёдда икки марта рингга кўтарилган россиялик биринчи оғир вазн тоифасидаги Дмитрий Бивол ва Артур Бетербиев Москвада ўзларининг учинчи жангини ўтказиши мумкин. Бу ҳақда Халқаро бокс ассоциацияси (IBA) президенти Умар Кремлёв маълум қилди.

“Менимча, бизга учинчи жанг керак, чунки улар дунёнинг энг яхши боксчилари. 3-жангни “Лужники”да, 100 минг омошабинга мўлжалланган стадионда ўтказишимиз керак. Ташкилий ишларга қанча кетмасин, биз бу реваншни Москва ўтказамиз. Келинг, музокараларни бошлайлик”, дейди Умар Кремлёв

Россиялик боксчилар ўртасидаги биринчи жанг ўтган йилнинг октябрь ойида бўлиб ўтдо ва 116-112, 115-113 ва 114-114 ҳисобида Бетербиевнинг ғалабаси билан якунланди. Томонлар ўртасидаги иккинчи жангда эса Бивол ғалаба қозонди ва ўз вазнида мутлақ жаҳон чемпионига айланди.