Биткоин нархининг тарихий рекорди янгиланди 

Технология 7198
image

Биткоин криптовалютаси нархи тарихий рекордни янгилади ва биринчи марта 67 минг доллардан ошди. Бу ҳақда савдо маълумотлари дарак бермоқда.  

Binance биржасида биткоин Тошкент вақти билан 04:25 ҳолатига кўра, 7,5 фоизга ўсган — 67,63 минг долларгача. CoinMarketCap портали маълумотларига кўра, биткоин 7,29 фоизга қимматлашган — 67,6 минг доллар. 

Дунёдаги энг оммабоп криптовалюта нархи рекорд даражага қайтди ва яна бир бор ўзининг энг юқори кўрсаткичини янгилади. Жорий йилнинг 20 октябрида ўрнатилган аввалги рекорд роппа-роса 67 минг долларни ташкил этган бўлса, ундан олдин максимал кўрсаткичга апрель ойида эришилган эди — 64,85 минг доллар. 

Биткоин иккинчи ой кетма-кет қимматлашмоқда, ўтган ой криптовалюта тахминан 40 фоизга қимматлашиб, 43,82 минг доллардан 61,3 минг долларгача кўтарилди. Сентябрь ойида эса икки ойлик кучли ўсишдан сўнг биткоин бироз арзонлашди — деярли 35 фоизга. 

Биткоин май ойида ўз қийматининг деярли учдан бир қисмини йўқотди, ўшанда унинг нархи 57,7 минг доллардан 37,3 минг долларга тушди. 

Биткоин – бу блокчейн технологиясига асосланган, шу тизимда иштирок этувчи ҳар қандай фойдаланувчи томонидан “қазиб олиниши” (чиқарилиши) мумкин бўлган криптовалюта. Бунинг учун тизимнинг янги блокларини яратиш керак бўлади.

Рушана Султонова
Мақолага баҳо беринг
Баҳолаганлар: 225
Рейтинг: 2.9
Теглар
t
×