Бир ойга блоклаб, ҳаммани китоб ва газета ўқишга ўтказиш керак — Наманган ҳокими TikTok блокланиши ҳақида

Жамият

image

Аввалроқ Ўзбекистон ҳудудида TikTok ва бир қатор ижтимоий тармоқларга кириш чеклангани ҳақида хабар берилганди. Наманган вилояти ҳокими Шавкатжон Абдураззоқовнинг фикрича, уларни бир ойга блоклаб, ҳаммани китоб ва газета ўқишга ўтказиш керак.

Наманган вилояти ҳокими ижтимоий тармоқларда тарқалган видеода айтишича, блокланган ижтимоий тармоқлардаги “бемаза хабарлар” одамларни “давление” қилмоқда.

“Бир балоларни блоклади, деб шовқин қилишяпти. Аслида, уларни бир ойга блоклаб, ҳаммани китоб ва газета ўқишга ўтказиш керак. Бемаза хабарлар одамларни “давление” қиляпти. Ёшларни китоб билан, ота-онаси билан гаплашишга ўргатиш керак. Қайси ёш ота-онасининг олдига бориб, бир соат гаплашиб ўтира олади? Лекин, интернетда 2 соат, ярим кун, бир кунлаб қолиб кетади. Шунинг учун, ёшларимиз интернетда ўтиришдан кўра кўпроқ китоб ўқиши керак”, дейди ҳоким.

Эслатиб ўтамиз, жорий йилнинг 2 июлидан Ўзбекистон ҳудудида Twitter, TikTok ва “ВКонтакте”га кириш чекланди. Аввалроқ Ўзбекистон юқоридаги компанияларга серверларини Ўзбекистонга кўчириш бўйича талабномалар юборганди

Шундан сўнг, ушбу воқеа бошқа ижтимоий тармоқларда катта резонансга сабаб бўлди. Чекловларга депутатлар ҳам жим қараб тургани йўқ. Олий Мажлис Қонунчилик палатаси депутати Расул Кушербоев оммабоп ижтимоий тармоқларнинг блокланишига муносабат билдириб, “Шахсга доир маълумотлар тўғрисида”ги қонунни фойдасиз деб атади.


Мақола муаллифи

Теглар

Баҳолаганлар

175

Рейтинг

3.1

Мақолага баҳо беринг

Дўстларингиз билан улашинг