Бир ойда тўртинчиси: КХДР Япон денгизига яна ракета учирди
Олам
−
17 Январь 2022 4890
Бугун, 17 январь куни Корея Халқ Демократик Республикаси Япон денгизи томон баллистик ракета учирди. Бу ҳақда Япония соҳил қўриқлаш хизмати маълум қилди.
Таъкидланишича, ракета сувга тушган. Агентлик потенциал хавф зонасидаги балиқ овловчи қайиқларни хавфдан ва агар ракета қолдиқлари топилса, ундан узоқроқ туриш ҳақида огоҳлантирмоқда.
Жанубий Корея ҳарбийлари, Ёнҳап ахборот агентлигининг ёзишича, ўз навбатида, номаълум ракета учирилгани ҳақида маълум қилган.
Маълумот учун, бу КХДР томонидан 2022 йил бошидан бери амалга оширилган тўртинчи ракета парвозидир. Бунгача учта ракета учирилганди.
Live
Барчаси
