“Бешиктош” Салоҳ трансферини эълон қилишга тайёрланмоқда
Спорт
−
09:52 955 1 дақиқа
Бугун, 27 июль куни Туркиянинг “Бешиктош” клуби мисрлик қанот ҳужумчиси Муҳаммад Салоҳнинг трансферини расман эълон қилиши мумкин. Бу ҳақда туркиялик журналист Атакан Курт маълум қилди.
Манбага кўра, клуб аллақачон Салоҳнинг исми туширилган формаларни тайёрлаб қўйган ва трансфер учун барча ташкилий тайёргарлик ишларини якунлаган.
Журналистнинг таъкидлашича, трансфер бугун, 27 июль куни расман эълон қилиниши кутилмоқда. Шундан сўнг, Салоҳ аэропортда тантанали кутиб олинади, кейин эса “Бешиктош” стадионида шартнома имзолаш маросими ўтказилиши режалаштирилган.
Туркия оммавий ахборот воситалари аввалроқ “Бешиктош” Муҳаммад Салоҳ трансфери устида фаол иш олиб бораётгани ва мисрлик юлдузни ёзги трансфер ойнасидаги асосий мақсадларидан бири сифатида кўраётгани ҳақида хабар берган эди.
Эслатиб ўтамиз, Муҳаммад Салоҳ бу ёзда “Ливерпуль”ни эркин агент мақомида тарк этган.
Live
Барчаси
