Бельгия Украинага F-16 етказишини эълон қилди

Олам

−

08 Апрель 2025 visibility3761 timer1 дақиқа

Бельгия жорий йилда Украинага иккита F-16 қирувчи самолётини топширади, яна иккитасини 2026 йилда жўнатиш режалаштирилган. Бу ҳақда бугун, 8 апрель куни Киевда бўлиб турган Бельгия Бош вазири Барт Де Вевер маълум қилди.

Унинг сўзларига кўра, мамлакат Украинага F-16 етказиб бериш бўйича асосий таъминотчига айланмоқчи.

“Биз Украина учун F-16’нинг асосий етказиб берувчиси бўлишга ваъда бердик. Биз ўз сўзимизда турамиз. Иккита F-16 эҳтиёт қисмлари бу йил, иккита самолёт келаси йили келади”, деган вазир.

Шунингдек, у Бельгия F-35 қирувчи самолётини олиши биланоқ Украинага F-16 самолётлар етказилиши, кечикишлар бўлмаслигини айтди.

Эслатиб ўтамиз, Бельгия Мудофаа вазири Тео Франкен жорий йилнинг 6 март куни Украина Президенти Владимир Зеленский билан учрашув чоғида Киевга бир миллиард еврога яқин ҳарбий ёрдам таклиф қилганини айтганди.

Мақола муаллифи