Байрам кунларида автобуслар қатнови қандай ташкил этилиши маълум қилинди

Янги йил байрами кунларида автобус йўналишларининг фаолияти қандай ташкил этилиши эълон қилинди. Бу ҳақда “Тошшаҳартрансхизмат” АЖнинг Telegram-каналида келтирилган.

Ўзбекистон Республикаси Президентининг 2022 йил 23 декабрдаги “2023 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида"ги ПФ-270 сон Фармони ва 2023 йил 22 декабрдаги “2024 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги ПФ-213 сонли Фармонига  биноан, Янги йил байрам тадбирларини нишонлаш мақсадида, дам олиш кунларида автобус йўналишларининг фаолияти қуйидагича ташкил этилади:

• 2023 йил 30 декабрь, шанба–дам олиш куни. Якшанба кунлари учун тасдиқланган жадваллар асосида;
• 2023 йил 31 декабрь, якшанба – ишланмайдиган байрам куни. Якшанба кунлари учун тасдиқланган жадваллар асосида;
• 2024 йил 1 январь, душанба – дам олиш куни. Якшанба кунлари учун тасдиқланган жадваллар асосида;
• 2024 йил 2 январь, сешанба – дам олиш куни. Якшанба кунлари учун тасдиқланган жадваллар асосида;
• 2024 йил 6 январь, шанба – иш куни. Иш кунлари учун тасдиқланган жадваллар асосида.

Эслатиб ўтамиз, Ўзбекистонда 2024 йил учун қўшимча дам олиш кунлари белгиланганди.