“Бавария”нинг икки аъзоси МЮ аъзосига айланди
Спорт
−
14 Август 3027
Футбол бўйича Нидерландия терма жамоаси ҳимоячиси Маттейс де Лигт Германиянинг “Бавария” клубидан Англиянинг “Манчестер Юнайтед” клубига ўтди. Бу ҳақда МЮ матбуот хизмати хабар берди.
25 ёшли футболчи билан келишув 2029 йилнинг июнига қадар мўлжалланган. Шунингдек, марокашлик ҳимоячи Нуссаир Мазрауи ҳам “Бавария”дан “Манчестер Юнайтед”га ўтди.
Де Лигт 25 ёшда ва у фаолияти давомида “Аякс” ва Италиянинг “Ювентус” клубларида ўйнаган. Ҳимоячи Нидерландия, Италия ва Германия чемпиони ҳисобланади. 26 ёшли Мазрауи эса “Аякс” билан уч карра Нидерландия чемпиони бўлган, Бундеслигада ҳам ғолиб бўлган.
Мазрауи ва де Лигт “Аякс”да “Манчестер Юнайтед”нинг амалдаги бош мураббийи Эрик тен Хаг қўл остида ўйнаган.
Live
Барчаси
