“Барселона”нинг янги президенти сайланди

Кеча, 7 март куни Католонияда “Барселона” президентлигига сайловлар бўлиб ўтди. Сайлов натижаларига кўра, 58 ёшли Жоан Лапорте “кўк-анорлилар”нинг янги президенти этиб сайланди.

Янги президент рақобатчиларини анча фарқ билан ортда қолдирди. Яъни Жоан Лапорте 54,28 фоиз овоз тўплади. У Виктор Фонт (29,29 фоиз) ва Тони Фрейшани (8,58 фоиз) ортда қолдирди.

Маълумот учун, Лапорта Каталония клуби президентлиги учун сайловларда 4-бор қатнашди. У 2003 ва 2006 йилги сайловларда ғалаба қозонган, 2015 йили эса Жозеп Бартомеуга ютқазган эди. У 2003 йилдан 2010 йилгача жамоани бошқарган ва ушбу даврда “кўк-анорранглилар” 4 бор Ла Лигада, 2 марта Чемпионлар Лигасида зафар қучишган. Умумий ҳисобда 12та соврин қўлга киритилган. Жамоа 2009 йили ўзи иштирок этган барча 6 турнирда ғолиб бўлиб, рекорд ўрнатган.

Эндиликда Лапорте “Барселона”ни 2027 йилгача бошқаради.

Аввалроқ, клубнинг собиқ президенти Хосеп Бартомеу ҳибсга олингани ҳақида хабар берган эдик. Собиқ президент  шахсий даромад олиш мақсадида "кўк-анорранглилар" номидан битимлар тузишда айбланяпти.