“Барселона”нинг 7 нафар футболчисида ПСЖга қарши ЕЧЛ жавоб ўйинини ўтказиб юбориш хавфи бор
Спорт
−
08 Апрель 2100
10 апрель куни “Барселона” Европа Чемпионлар лигаси (ЕЧЛ) чорак финалининг биринчи ўйинини ПСЖга қарши ўтказади.
“Кўк-анорранглилар”нинг етти нафар футболчиси Парижда ўта эҳтиёткорлик билан ўйнаши керак, чунки улар сариқ карточка олса, жавоб ўйинини ўтказиб юборади.
ПСЖ билан биринчи ўйинда сариқ карточка олса, кейинги ўйинни ўтказиб юборадиган футболчилар Ферран Торрес, Серхи Роберто, Роналд Араухо, Андреас Кристенсен, Френки де Йонг, Ламин Ямал ва Жоау Фелиш ҳисобланади.
“Барселона” ва ПСЖ ўртасидаги жавоб учрашуви 16 апрель куни Каталонияда бўлиб ўтади.
Эслатиб ўтамиз, аввалроқ “Барселона”нинг ҳозирги устози Хави клубда қолиш учун раҳбариятга талаб қўйгани хабар қилинганди.
Хави клуб раҳбариятидан жамоанинг узоқ муддатли лойиҳаси бўйича аниқ кафолат олмоқчи ва молиявий қийинчиликларни ҳисобга олган ҳолда клубга жалб қилмоқчи бўлган футболчилар рўйхатини кўриб чиқади.
Live
Барчаси
