“Барселона” Гризманни қутқармоқчи
Спорт
−
10 Июль 2019 4734
Мадриднинг “Атлетико” клуби ҳужумчиси Антуан Гризманн яқин вақтлар ичида “Барселона” сафига трансфер қилинади.
Евро-футбол нашри тарқатган хабарларга кўра, “кўк-анорранглилар” 28 ёшли футболчини тезроқ ўз сафига қўшиб олишни хоҳлаяпти. Каталониянинг “Барселона” клуби Антуан Гризманнинг трансферини 12 июль кунига қадар расмийлаштиради. Трансфер нархи футболчининг “Атлетико” билан тузган шартномасида кўрсатилган товон пули – 120 млн еврони ташкил этади.
Франция терма жамоаси ҳужумчиси ўтган мавсум “Атлетико” сафида Испания Примеросида 37 та ўйинда майдонга тушиб, 15 та гол киритди ва 9 та голга узатмани амалга оширди.
Олдинроқ, “Атлетико” Гризманни жамоанинг янги мавсум олди ўқув-йиғин машғулотларида қатнашишга чақирган эди. Акс ҳолда клуб футболчини жаримага тортиши мумкинлиги ҳақида огоҳлантирган.
