“Барселона” Фликка шартномани узайтиришни таклиф қилди

Испаниянинг “Барселона” жамоаси бош мураббийи Ханси Фликка клуб билан шартномасини 2028 йилнинг ёзига қадар узайтиришни таклиф қилди. Бу ҳақда AS нашри хабар берди.

Манбага кўра, каталонияликлар 60 ёшли немис мутахассисига шартномани яна бир йилга, 2028 йил ёзигача узайтиришни таклиф қилишган. Клуб мураббийнинг амалдаги шартномаси яқинда тугаши муносабати билан ишлаётган вазиятда ноаниқлик юзага келмаслигини истайди.

“Барселона” барча томонлар лойиҳада ўзини қулай ҳис қилиши ва ҳамкорликни давом эттиришга содиқлигини билдирган. Клуб спорт директори Деко ҳам мураббий билан келишув устида ишламоқда. Хансининг агенти Пини Заҳави аллақачон “Барселона” президенти Жоан Лапорта билан муҳим учрашув ўтказган ва икки томон шартномани узайтириш бўйича келишувга яқинлашмоқда.

Қайд этилишича, янги шартномага фақат бир йиллик муддат таклиф қилиниши, Фликнинг узоқ муддатли шартнома имзолашни истамаслиги билан боғлиқ.

Маълумот учун, Флик 2024 йилда “Барселона”ни қабул қилган. Шу вақт мобайнида у клуб билан Испания чемпионати, Кубок ва Суперкубокни қўлга киритишга муваффақ бўлди.