“Барселона” Флик билан шартномани узайтирди

“Барселона” ўзининг бош мураббийи Ханси Флик билан шартномани узайтирди. Бу ҳақда Каталония клубининг матбуот хизмати хабар берди.

Манбага кўра, германиялик мутахассиснинг янги шартномаси 2028 йилнинг ёзигача амал қилади ва яна бир мавсумга узайтириш имкониятини ҳам ўз ичига олади.

Шартнома кеча, 18 май куни “Барселона” қароргоҳида имзоланди. Маросимда клуб вице-президенти Рафаэль Юсте, спорт директори Деко ҳамда спорт комиссиясининг бошқа аъзолари иштирок этган. Шунингдек, клуб президенти Жоан Лапорта ҳам имзолаш жараёнида қатнашди.

Маълумот учун, Ханси Флик 2024 йил ёзидан буён “Барселона”ни бошқариб келмоқда. Жорий мавсумда каталонияликлар Ла Лига чемпионлигини қўлга киритишди ва “Реал Мадрид”га қарши ўйиндаги 2:0 ҳисобидаги ғалабадан кейин муддатидан аввал олтин медалларни кафолатлади. Шунингдек, “кўк-анорранглилар” жорий мавсумда Испания Суперкубогини ҳам қўлга киритди.

Эслатиб ўтамиз, аввалроқ “Реал Мадрид” португалиялик мутахассис Жозе Моуриньо билан шартнома имзолагани ҳақда хабар берилганди.