“Барса”нинг нишонидаги Уильямсни “Реал” илиб кетмоқчи
Спорт
−
21 Май 2127
Мадриднинг “Реал” клуби Билбаонинг “Атлетик” клуби ҳужумчиси Нико Уильямсга катта қизиқиш билдирмоқда. Бу ҳақда “Marca” нашри хабар берди.
Манбага кўра, “Қироллик клуби” футболчи билан шартнома имзолаш учун 58 миллион евро миқдоридаги товон пулини тўлаши керак бўлади. Агар 22 ёшли футболчи “Реал”га ўтса, катта эҳтимол билан жамоани бразилиялик қанот ҳужумчиси Родриго тарк этади. Шунингдек, “Реал Мадрид” Уилямсни қўлга киритишни исташидан сабаб, унга “Барселона” ҳам қизиқиш билдиргани.
Маълумот учун, жорий мавсумда Нико Уильямс барча мусобақаларда 44 та ўйинда майдонга тушиб, 11 та гол ва 7 та голли узатма амалга оширган. Унинг “Атлетик” билан амалдаги шартномаси 2027 йил ёзигача мўлжалланган. “Transfermarkt” порталининг маълумотига кўра, футболчининг бозор қиймати 70 миллион еврони ташкил этади.
Live
Барчаси
