Бакалавриат учун турдош йўналишлар рўйхати тасдиқланди

Ўзбекистонда олий таълим йўналишлари ва мутахассисликлари классификатори бўйича турдош таълим йўналишлари рўйхати тасдиқланди. Бу ҳақда Олий таълим, фан ва инновациялар вазирлиги хабар берди.

Унга кўра, йўналишлар жами 32 та турдош гуруҳларга ажратилди. 

Маълумот учун, қуйидаги таълим йўналишлари соҳа (тармоқ, йўналиш, фаолият тури) бўйича мос таълим йўналишлари (мутахассисликлари) гуруҳига турдош ҳисобланади:

• Касб таълими (бакалавриат таълим йўналишлари бўйича);
• профессионал таълим (бакалавриат таълим йўналишлари бўйича);
• хизмат кўрсатиш техника ва технологияси (хизмат кўрсатиш тармоқлари бўйича);
• хизматлар соҳаси (фаолият турлари ва йўналишлари бўйича).

Бундан ташқари, вазирлик кўчириш ёки қайта тиклашга ариза топширганларнинг илгари таълим олган йўналишлари (мутахассисликлари) амалдаги классификаторга мувофиқлаштирилиб, инобатга олинишини қўшимча қилган.

Эслатиб ўтамиз, аввалроқ Ўзбекистонда олий таълим муассасалари ва таълим йўналишларини танлаш бошланганди. Шунингдек, олий таълим муассасаларининг 2024/2025 ўқув йили учун тўлов-контракт миқдорлари тасдиқлангани хабар қилинганди.