Бағдоддаги шифохонада чиққан ёнғинда 45 киши ҳалок бўлди (видео)

Олам 4211
image

Ироқ пойтахти Бағдодда коронавирус беморлари учун мўлжалланган шифохонадаги йирик ёнғин натижасида ҳозиргача 45 киши ҳалок бўлди. Бу ҳақда “Al-Hadath” телеканали хабар қилди.

Бағдод жануби-шарқидаги Ибн ал-Хатиб шифохонасида кеча, 24 апрель куни ёнғин юз берди. Ёнғин кислород баллонлари сақланадиган омборда портлаш юз бергач бошланган. Шифохонадаги баъзи беморлар омон қолиш учун ойнадан сакраган. Икки қаватли бино деярли тўлиқ ёниб кетган.

Ироқ ССВ ҳалок бўлганлар ва жароҳатланганлар ҳақида расмий маълумот берганича йўқ. Вазирлик ёнғинда 200 га яқин одам қутқарилганини маълум қилган.

Телеканал 50 га яқин одам жароҳатланганини эълон қилди. Ёнғиндан кейин баъзи сиёсатчилар, жамоатчилик ва парламент вакиллари Ироқ Соғлиқни сақлаш вазири Ҳасан ал-Тамимнинг истеъфосини талаб қилди.

Ироқда уч кунлик мотам эълон қилинди.

Суннатилла Абдуллаев
Мақолага баҳо беринг
Баҳолаганлар: 88
Рейтинг: 3.1
Теглар
t
×