Баҳодир Жалолов Олимпиададаги юришини ғалаба билан бошлади

Спорт 15589
image

Токио Олимпиадасида бокснинг +91 кг вазн тоифасида иштирок этаётган ўзбекистонлик Баҳодир Жалолов ўзининг илк жангини ўтказди ва ғалаба қозонди. 

Дунё рейтингида биринчи ўринни эгаллаб турган Жалоловга озарбайжонлик Муҳаммад Абдуллаев рақиблик қилди. Беллашув давомида устунликка эришган сурхондарёлик Жаҳон чемпиони ҳакамларнинг қарори билан ғалабага эришди. Жалолов иккинчи раундда рақибини нокдаун ҳолатига туширишга ҳам улгурди.

Унинг чорак финалдаги рақиби ҳиндистон вакили Сатиш Кумар бўлади. У Ямайка вакили Рикардо Бровнга қарши рингга кўтарилди ва рақибини 4:1 ҳисобида мағлуб этган эди.

Жанг 1 август куни бўлиб ўтиши режалаштирилган.

Ҳумоюн Орипов
Мақолага баҳо беринг
Баҳолаганлар: 834
Рейтинг: 3.1
t
×