“Аждар ортга қайтди”. Ҳусайн Норчаев “Насаф” аъзосига айланди (видео)

Ўзбекистон миллий терма жамоаси ва Россиянинг “Алания” клуби аъзоси Ҳусайн Норчаев Қаршининг “Насаф” жамоаси футболчисига айланди. Бу ҳақда клуб матбуот хизмати хабар берди.

“Ўз академиямиздан етишиб чиққан Ҳусайн Норчаев яна биз билан бирга! Голлар, паслар, ғалабалар кутиб қоламиз! Жонажон “Насаф”имизга хуш келдинг, Ҳусайнжон!”, дейилади Қарши клуби хабарида. 

“Transfermarkt” маълумотига кўра, “Насаф” Норчаевни трансфер ҳуқуқларини тўлақонли тарзда “Алания”дан сотиб олган. 23 ёшли футболчининг қаршиликлар билан тузган шартномаси 2026 йил охирига қадар мўлжалланган.

Қайд этиш жоиз, Норчаев 2020-2023 йилларда “аждарлар” сафида тўп тепиб, 100 та учрашувда 40 та гол уриб, 9 та голли узатмани амалга оширган.

Эслатиб ўтамиз, аввалроқ Норчаевнинг Португалия клубига трансфери барбод бўлгани хабар қилинганди.