Айрим нафақахўрлар олдин олган нафақа пулларини бир қисмини қайтаради. Қозоғистонда!

Ноқонуний равишда нафақа олган ва қўш фуқаролиги бўлган қозоғистонликлар олган нафақасининг бир қисмини бюджетга қайтаради. Бу ҳақда Қозоғистон Республикаси Меҳнат ва аҳолини ижтимоий муҳофаза қилиш вазири Светлана Жакупова ҳукумат йиғилишида маълум қилди.

Жакупованинг сўзларига кўра, бундай фуқароларга оид материаллар аллақачон Молиявий мониторинг агентлигига ўтказилган. Улар суриштирув ишларини олиб бормоқда ва аниқ пул миқдорини аниқлайди.

“Қозоғистонда яшамайдиган ва иккинчи фуқароликка эга бўлган ҳолда мамлакатни тарк этган кўплаб нафақахўрлар аниқладик. Шунинг учун энди нафақат нафақахўрларга нисбатан, балки яшаш жойи бўйича рўйхатга олиш талаблари ҳам қатъийлаштирилди”, деган вазир.

Светлана Жакупованинг тушунтиришича, янги қоидалар Қозоғистонда рўйхатдан ўтган ва фақат вақтинча хорижга чиққан нафақахўрларга таъсир қилмайди. Бундай ҳолларда нафақа тўхтатилиши мумкин, аммо улар қайтгандан кейин нафақа тўлиқ тўланади.

Эслатиб ўтамиз, аввалроқ Ўзбекистонда “Жазони ижро этиш муассасаларидан озод қилинган шахсларга бир марталик нафақа тайинлаш ва тўлаш тартиби тўғрисида”ги низом тасдиқланган эди.

Бунёд Келдибоев