Айрим мамлакат фуқаролари АҚШга кириши чегараланиши мумкин

World

−

22 January 2020 visibility5994 timer1 minute

АҚШ маъмурияти айрим мамлакат фуқаролари Қўшма Штатларга киришини чегаралашни режалаштирмоқда. Улар орасида Беларусь ва Қирғизистон ҳам бор. Бу ҳақда ўз манбаларига таяниб, Wall Street Journal хабар бермоқда.

Нашр берган маълумотларга кўра, Беларусь, Қирғизистон, Мьянма, Нигерия, Судан ва Танзания фуқаролари АҚШга киришлари чегараланиши мумкин. Таъкидланишича, ушбу рўйхат ҳали расман тасдиқланмаган.

АҚШ Президенти Дональд Трамп нашрга берган интервьюсида АҚШга фуқаролари кириши чегараланган давлатлар рўйхатини кенгайтиришни режалаштираётганини таъкидлаб ўтган эди. Аммо улар қайси давлатлар эканлигини очиқламаганди.

Сарвар Анвар ўғли

Author