Автомашиналар тўқнашуви оқибатида 32 киши ҳалок бўлди (видео)

Олам

−

28 Октябрь 2023 visibility8035

Миср пойтахти Қоҳирани Искандария шаҳри билан боғловчи шосседа автомашиналарнинг тўқнашуви юз берди. Оқибатда 30 дан ортиқ киши ҳалок бўлди. Бу ҳақда Мисрнинг Бухейра провинцияси хавфсизлик хизмати хабар қилди.

Дастлабки маълумотларга кўра, автомагистралнинг 132-километрида автомобиллардан бирида мой сизиб чиққан ва катта тўқнашувга сабаб бўлган. Бир нечта машина ёниб кетган. Натижада 32 киши ҳалок бўлган, 60 киши жароҳатланган.

Воқеа жойига камида 20 та тез ёрдам машинаси етиб келган ва барча жароҳатланганларни яқин атрофдаги шифохоналарга етказган. Прокуратура воқеа юзасидан тергов бошлаган.

Эслатиб ўтамиз, 3 октябрь куни Италия шимолида йўловчи автобуси панжарадан ўтиб, 10 метр баландликдан темирйўл рельсларига қулаб тушиши оқибатида 21 киши ҳалок бўлди.

Мақола муаллифи