Араб давлатлари Трампнинг “Ғазони тозалаш” сўровини рад этди

АҚШ Президенти Дональд Трамп фаластинликларни Миср ва Иорданиядаги янги уйларга вақтинча ёки узоқ муддатга кўчиришни таклиф қилган, бироқ на бу давлатларнинг расмийлари, на Фаластин етакчилари, на Республикачиларнинг араб тарафдорлари ташаббусни қўллаб-қувватламади. Бу ҳақда араб давлатларининг Ташқи ишлар вазирликлари хабар берди.

Хусусан, Миср ТИВ баёнотига кўра, мамлакат Фаластин халқининг ўз заминида яшаш ҳуқуқини қўллаб-қувватлайди ва қайта жойлаштириш, бу ҳудудларни қўшиб олиш ёки фаластинликларни кўчиришга уринишларни рад этади.

“Бундай ҳаракатлар барқарорликка таҳдид солади, минтақада можаронинг янада кенгайишига олиб келади ҳамда тинчлик ҳамда биргаликда яшаш имкониятларига путур етказади”, дейилади баёнотда.

Иордания Ташқи ишлар вазири Айман Сафади эса қиролликнинг фаластинликларни жойлаштириш бўйича позицияси ҳеч қачон ўзгармаслигига ваъда берди.

“Фаластин масаласининг ечими Фаластинда, Иордания иорданияликлар учун, Фаластин эса фаластинликлар учун”, дейди у.

Фаластин маъмурияти раҳбари Маҳмуд Аббос ҳам худди шундай позицияни эгаллаб, Ғазони Фаластин анклавидан ташқарига кўчириш бўйича “ҳар қандай лойиҳани” қоралади ва фаластинликлар “ўз ерлари ва муқаддас жойларидан воз кечмаслигига” ишонтирди.

Уларнинг баёнотлари Оқ уй раҳбари Дональд Трампнинг фаластинликларни Миср ва Иорданияга жойлаштириш, улар учун уйлар қуриш таклифига муносабат бўлди. Сиёсатчи бу фикрни Иордания Қироли Абдуллоҳ II билан муҳокама қилгани ва Миср Президенти Абдулфаттоҳ ас-Сиси билан гаплашишни режалаштираётганини айтди.

“Сиз бир ярим миллион одам ҳақида гапиряпсиз ва биз ҳаммасини тозалаймиз. Билмадим. Нимадир қилиш керак, аммо ҳозир бу том маънода вайрон қилувчи майдон”, деди Трамп.

У фаластинликлар Миср ва Иорданияда “вақтинчалик ёки узоқ муддатли” бўлиши мумкинлигини эслатиб ўтди.

Унинг изоҳларидан у Ғазо секторининг барча аҳолиси ҳақида гапираётгани ёки улардан баъзилари ҳақида гапираётгани аниқ бўлмади. Ғазо сектори аҳолиси 2 миллион кишига етди, 2,3 миллиондан ортиқ рўйхатга олинган фаластинлик қочқинлар аллақачон Иорданияда истиқомат қилмоқда.

Трампнинг ғояси Фаластиннинг ҲАМАС гуруҳи раҳбарияти томонидан қатъиян рад этилди ва араб америкаликларни республикачига овоз беришга чақирган “Араб америкаликлар Трамп учун” ташкилоти уларни фаластинликларга қарши “йиртқич даъволар” қилмасликка чақирди.