АПЛнинг энг яхши трансферлари эълон қилинди 

Англия Премьер-лигасида 2025-2026 йилги мавсум учун энг яхши трансферлар эълон қилинди. “The Athletic” нашри ёзги трансфер ойнасининг энг яхши 13 битимини маълум қилди. 

Унга кўра, Жанлуижи Доннарумманинг “Манчестер Сити”га ўтиши 2025 йил ёзининг энг муваффақиятли трансфери деб топилди. 

Нашр маълум қилишича, ёзги трансфер ойнасидаги энг муваффақиятли битимларни аниқлаш мақсадида 20 нафар футбол агенти ўртасида махсус сўровнома ўтказган.

Натижаларга кўра, Доннарумма 6 овоз билан биринчи ўринни эгаллади. Иккинчи ўринда “Манчестер Сити”дан “Эвертон”га ижарага ўтган Жек Грилиш, учинчи поғонада эса “Спортинг” клуби форварди Виктор Гёкерешнинг “Арсенал”га трансфери жой олди.

Қуйида АПЛ ёзги трансфер ойнасининг ТОП-13 энг яхши битими келтирилган:

1. Жанлуижи Доннарумма (ПСЖдан – “Манчестер Сити”га)
2. Жек Грилиш (“Манчестер Сити”дан – “Эвертон”га)
3. Виктор Гёкереш (“Спортинг”дан – “Арсенал”га)
4. Александр Исак (“Нюкасл”дан – “Ливерпуль”га)
5. Жоау Педро (“Брайтон”дан – “Челси”га)
6. Эберече Эзе (“Кристал Пэлас”дан – “Арсенал”га)
7. Харви Эллиот (“Ливерпуль”дан – “Астон Вилла”га)
8. Мартин Субименди (“Реал Сосиедад”дан – “Арсенал”га)
9. Брайан Мбеумо (“Брентфорд”дан – “Манчестер Юнайтед”га)
10. Кристиан Москера (“Валенсия”дан – “Арсенал”га)
11. Жованни Леони (“Парма”дан – “Ливерпуль”га)
12. Хави Симонс (“Лейпциг”дан – “Тоттенҳэм”га)
13. Тиани Рейндерс (“Милан”дан – “Манчестер Сити”га)

Эслатиб ўтамиз, “Манчестер Сити” ҳужумчиси Эрлинг Ҳоланд Англия Премьер-лигасида 2025 йил сентябрь ойининг энг яхши футболчиси деб топилганди.