АПЛ ўтган мавсумининг энг яхши футболчиси эълон қилинди

“Манчестер Юнайтед” жамоаси сардори Бруно Фернандеш Англия профессионал футбол лигаси (ПФА) томонидан 2025-2026 йилги мавсумнинг энг яхши футболчиси деб топилди. Бу ҳақда “SullyTalkz”  нашри хабар берди.

Нашр маълумотига кўра, португалиялик ярим ҳимоячи ПФА томонидан 2026 йилнинг энг яхши футболчиси деб топилган. Совриннинг расмий тақдимоти кеча, 25 август куни кечқурун Манчестерда бўлиб ўтган.

Фернандеш ПФАнинг йилнинг энг яхши футболчиси совринига даъвогар бўлган олти нафар футболчидан бири эди. Унинг рақиблари “Манчестер Сити”дан Раян Шерки ва Эрлинг Ҳоланд, “Арсенал”дан эса Габриэл Магаляйнс, Давид Рая ва Деклан Райс бўлган.

ПФА совринининг аҳамияти шундаки, ғолиб футболчиларнинг ўзлари томонидан берилган овозлар асосида аниқланади.

Фернандеш аввалроқ Премьер-лигасининг 2025-2026 йилги мавсумида энг яхши футболчи ва мавсумнинг энг яхши плеймейкери совринларини ҳам қўлга киритган. У чемпионатни 21 та голли узатма билан якунлаб, Тьерри Анри ва Кевин Де Брюйне ўрнатган 20 та ассистлик рекордни янгилаган. Шунингдек, португалиялик футболчи 9 та гол урган.

Эслатиб ўтамиз, “Манчестер Юнайтед” 2026-2027 йилги Премьер-лига мавсумини “Ҳалл Сити”га қарши 0:2 ҳисобидаги мағлубият билан бошлаган.