АПЛ клуби Винисиус трансфери учун 200 миллион евро сарфламоқчи
Спорт
−
21 Февраль 6238
“Манчестер Юнайтед” ёзги трансфер ойнасида футбол тарихидаги энг йирик трансферлардан бирини амалга оширмоқчи. Бу ҳақда “Le10sport” хабар берди.
Манбага кўра, “Манчестер Юнайтед” “Реал” ҳужумчиси Винисиус Жуниорни ўз сафига қўшиб олишни мақсад қилган ва бунинг учун “қизил иблислар” тахминан 200 миллион евролик таклиф тайёрламоқда.
Тўғри, бу таклиф ҳалигача Флорентино Перес ва унинг жамоасини бефарқ қолдирмоқда, улар Килиан Мбаппенинг ПСЖдан яқинлашиб келаётганига қарамай, 23 ёшли бразилияликни ўз жамоасининг фундаментал ўйинчиларидан бири деб ҳисоблайди.
Винисиус жорий мавсумда “Реал” сафида 23 та ўйинда майдонга тушиб, 12 та гол ва 7 та голли узатмага муаллифлик қилган. “Trasnfermarkt” 23 ёшли бразилиялик футболчини 150 миллион еврога баҳоламоқда ва унинг қироллик клуби билан шартномаси 2027 йилнинг ёзига қадар амал қилади.
