Англияда йилнинг энг яхши футбочилари аниқланди
Спорт
−
12 Май 2023 3182
Эрлинг Холанд журналистлар талқинига кўра Англияда йилнинг энг яхши футболчиси деб топилди.
“Манчестер Сити” форварди 82% овоз тўплади ва рақибларини сезиларли фарқ билан ортда қолдирди. Футбол журналистлари ассоциацияси сайтида Холанд 72 фоиз овозга эга эканлиги кўрсатилган эди, кейин эса бу маълумотга тузатиш киритилди.
“Арсенал” вингери Букаё Сака иккинчи, “канонирлар” ярим ҳимоячиси Мартин Эдегор учинчи, “Манчестер Сити” ярим ҳимоячиси Кевин де Брюйне тўртинчи ва “Манчестер Юнайтед” ҳужумчиси Маркус Решфорд бешинчи ўринни эгаллади.
Холанд АПЛ биринчи мавсумини ўтказмоқда. У “Ман Сити” сафида барча мусобақаларда 47 ўйинда майдонга тушиб, 51 гол ва 8 голга муаллифлик қилди.
Англияда мавсумнинг энг яхши аёл футболчиси соврини “Челси” ҳужумчиси Сэм Керрга топширилди. У кетма-кет иккинчи марта совринни қўлга киритди.
Холанд ва Керрга мукофотлар 25 май куни тантанали маросимда топширилади.
Live
Барчаси
