Анчелотти “Реал” афсонасининг рекордини такрорлади
Спорт
−
30 Январь
2329Мадриднинг “Реал” клуби бош мураббийи Карло Анчелотти Европа Чемпионлар лигасидаги (ЕЧЛ) ўйинлар сони бўйича рекордни такрорлади. Бу ҳақда “қироллик клуби” матбуот хизмати хабар берди.
Шу тариқа, Анчелотти учун умумий босқичнинг 8-туридан ўрин олган “Брест” билан ўйин (3:0) мадридликлар устози сифатида еврокубоклардаги 71-ўйинига айланди. “Қаймоқранглилар”нинг афсонавий мураббийи Мигель Муньос ҳам худди шундай кўрсаткичга эга.
Бу борада 3-ўринни эса "Реал Мадрид" бош мураббийи сифатида Чемпионлар лигасида 60 та ўйин ўтказган Висенте дель Боске банд этган. Зинедин Зидан ҳисобида 53 та ўйин бор, Жозе Моуриньо эса еврокубокларнинг асосий турнирида мадридликлар бошқарувида 36 та ўйин ўтказган.
Ўз-ўзидан ЕЧЛ плей-офф босқичида ўйин ўтказиш орқали Карло Анчелотти бу борада мутлақ рекордчига айланиб олади. “Реал” ЕЧЛ плей-офф босқичида “Манчестер Сити” ёки “Селтик” жамоаси билан тўқнаш келади.
Эслатиб ўтамиз, аввалроқ Анчелотти ЕЧЛнинг янги форматини танқид қилганди.
LiveБарчаси