“Амирсой”га олиб борувчи йўлда кўчки юз берди

Жамият 3900
image
-

Тошкент вилоятидаги “Амирсой” тоғ-чанғи курортига олиб борувчи йўлда тупроқ кўчиши юз берди. Бу ҳақда Бўстонлиқ тумани ҳокимлиги хабар берди.

“Айни дамда меъёридан кўп ёғингарчилик ёғиши натижасида "Амирсой" тоғ-чанғи курортига олиб борувчи автомобиль йўлида тупроқ кўчиши содир бўлиб йўл қатнов қисмида ҳаракат вақтичалик тўхтатилди”, дейилади ҳокимлик хабарида.

Қайд этилишича, туман Фавқулодда вазиятлар бўлими ва туман йўллардан фойдаланиш унитар корхонаси ходимлари томонидан вужудга келган ноқулайликлар зудлик билан бартараф этиш чоралари кўрилмоқда.

Эслатиб ўтамиз, ўтган йили март ойи охирида “Амирсой” курортига олиб борувчи йўлда асфальт қатлами ёрилиб кетганди.

Суннатилла Абдуллаев
Мақолага баҳо беринг
Баҳолаганлар: 87
Рейтинг: 3.2
Теглар
t
×