“Ал-Наср” “Интер”га “ҳужум” қилди. Брозович нишонда
Спорт
−
20 Июнь 2023 2611
Саудия Арабистонининг “Ал-Наср” клуби ярим ҳимоячи Марсело Брозович учун “Интер”га яхшигина таклиф юборди. Бу ҳақда инсайдер Жанлука Ди Марсио хабар берди.
Унга кўра, “Интер” хорватиялик футболчининг кетишига қисман рози. Чунки клубни “Сассуоло” ярим ҳимоячиси Давиде Фраттесини трансфер қилиш йўлида анчагина харажат кутиб турибди.
Саудияликлар Брозович учун “Интер”га 15 миллион евро таклиф қилган. Аммо Милан клуби 30 ёшли хорват билан камида 20-25 миллион евро эвазига хайрлашиш истагида.
Аввалроқ инглиз клуби “Нюкасл” Брозовичга қизиқиш билдиргани ва футболчининг вакиллари билан боғлангани ҳақида ҳам хабарлар тарқалганди.
Маълумот учун, “қора-кўклар” сафига 2015 йилда Загребнинг “Динамо”сидан кўчиб ўтган хорватиялик ўтган мавсумда А Серияда “Интер” сафида 28 та ўйинда майдонга тушиб, 3 та гол урди ва 5 та голли узатмани амалга оширди.
Муҳсинжон Умурзоқов
Live
БарчасиБухорода Ғиждувон деҳқон бозори ёнмоқда.
14 Декабрь
