АҚШнинг 12 штати Трамп устидан судга мурожаат қилди

АҚШда жойлашган 12 штатнинг демократ бош прокурорлари Президент Дональд Трампнинг бир қатор мамлакатлар учун божларни оширишининг қонунийлигига қарши даъво билан судга мурожаат қилди. Бу ҳақда NBC News хабар берди.

Маълум қилинишича, Президент устидан Нью-Йорк, Аризона, Колорадо, Коннектикут, Делавэр, Иллинойс, Мэн, Миннесота, Невада, Нью-Мексико, Орегон ва Вермонт штатлари божларни бекор қилишни талаб қилиб арз қилган.

“Президент конституциявий тартибга путур етказди ва Америка иқтисодиётига тартибсизлик келтирди”, дейилади даъво аризасида.

Шунингдек, даъво аризасида қайд этилишича, “Трампнинг ақлдан озган тариф схемаси нафақат иқтисодий жиҳатдан бепарволик ва бу ноқонунийдир”.

Трампнинг тарифлари

Жорий йилнинг 2 апрель куни Трамп 185 давлатга нисбатан божлар жорий этилишини маълум қилганди. Тарифлар 10 фоиздан 50 фоизгача бўлган. АҚШ бож жорий қилган давлатлар рўйхатига Ўзбекистон ҳам киритилган.

9 апрель куни Трамп тахминан 60 та давлатдан импорт қилинадиган маҳсулотларга нисбатан божларни 90 кунга кечиктиришини билдирган. Шунингдек, Хитойдан ташқари барча давлатларга 10 фоизлик ֧“базавий” бож ва илгари жорий этилган 25 фоизлик автомобиль, пўлат ва алюминий учун тарифлар амал қилади.