АҚШда дефолт туфайли армия харажатлари қисқариши мумкин – WSJ

АҚШда мудофаа ва армияга сарфланадиган харажатлар Президент Жо Байденнинг давлат қарзи тўғрисидаги қароридан кейин камайтирилиши мумкин. Бу ҳақда “The Wall Street Journal” хабар берди.

Маълумки, АҚШнинг ҳарбий харажатлари 1990 йиллар охирида Совуқ урушдан кейинги тинчлик дивидендларининг энг юқори чўққисига чиққан. Мазкур келишув эса ҳарбий харажатлар биринчи марта иқтисодиётнинг 3 фоизидан пастга тушиши мумкинлигини англатади. 

Таъкидланишича, Америкадаги флот ҳажми 2025 йилга бориб 286 та кемага қисқартирилади, Хитой эса, аксинча, “Тайванни бўйсундириш” учун мўлжалланган флотни қурмоқда.

Мақолада кўриниб турибдики, АҚШ Конгресси сўнгги бир неча йил ичида Байденнинг илтимосига биноан мудофаа ва мудофаа учун ўнлаб миллиард доллар сарфлаган. Сенатор Том Коттон Америка 2011 йилда олиб борган “секвестр” (харажатларни қисқартириш) сиёсатига қайтиши ва бунинг натижасида ўз мудофаасини барбод қилиши мумкинлигини тан олди.

“Ҳозирда кучсиз армияга эга АҚШ кутилмаган вазиятларда, масалан, Украинадаги можарода бошқа давлатларга қурол-яроғни тўлиқ ҳажмда юборишга тайёр бўла олмайди”, дея қайд этилган мақолада.

Эслатиб ўтамиз, аввалроқ АҚШ дефолт остида қолиши мумкинлиги, бунга жавобан Президент Жо Байден Конгресснинг Вакиллар палатаси спикери Кевин Маккартини давлат қарзи бўйича дефолтнинг олдини олишга чақирганди. Бир неча ҳафта давом этган кескин музокаралардан сўнг, Байден ва Вакиллар палатасида республикачилар давлат қарзининг чегарасини ошириш ва харажатларни чеклаш бўйича келишувга эришганди. Кейинроқ давлат раҳбари 5 июнгача суверен дефолтнинг олдини олувчи қонун лойиҳаси Конгресс томонидан маъқулланишини кутаётгани маълум қилинганди.