АҚШ Украинага яна 4 та HIMARS берди
Олам
−
12 Октябрь 2022 4288
Украина Қўшма Штатлардан қўшимча тўртта HIMARS ялпи реактив ҳужум тизими олди. Бу ҳақда Украина Мудофаа вазири Алексий Резников маълум қилди.
“Америкалик ҳамкорларимиздан яна тўртта HIMARS етиб келди! Мен (АҚШ Президенти) Жо Байден, (Пентагон раҳбари) Ллойд Остин ва Америка халқидан миннатдорман”, деб ёзди Резников Twitter’да.
Шунингдек, у Киев Германиядан бир нечта IRIS-T SLM зенит-ракета комплексларини олганини, NASAMS ҳаво мудофаа тизимлари “аллақачон йўлда” эканини эслатган.
Аввалроқ Қўшма Штатлар Украинага 625 миллион долларлик ёрдам пакети доирасида яна тўртта HIMARS жўнатиши маълум бўлганди. Ушбу пакетга ўқ-дорилар, миналар ва 200 га яқин минадан ҳимояланган зирҳли транспорт воситалари ҳам кириши мумкин.
Эслатиб ўтамиз, 11 октябрь куни Германия Украинага аввал ваъда қилинган тўртта IRIS-T SLM зенит-ракета комплексларидан биринчисини етказиб бергани маълум бўлганди.
Live
Барчаси
