АҚШ Тайванга 330 млн долларлик ҳарбий ёрдам пакетини эълон қилади
Олам
−
28 Июль 2023 3422
АҚШ ҳукумати Тайванга тез орада тахминан 330 миллион долларлик ҳарбий ёрдам пакетини тақдим этади. Бу ҳақда “Reuters” хабар берди.
Қайд этилишича, Америка томони ушбу пакетга киритиладиган қуроллар рўйхатини бермайди. Улар Пентагоннинг акцияларидан ўтказилади.
Нашр маълумотларига кўра, пакетга тўртта MQ-9А учувчисиз учиш аппарати киради. Тахмин қилинишича, дронлар қуролсиз ҳамда бошқа баъзи тизимларсиз узатилади.
АҚШ Мудофаа вазири Ллойд Остин ҳам АҚШ Тайванга тез орада сезиларли қўшимча ҳарбий ёрдам кўрсатиш ниятида эканини айтган.
Маълумот учун, Қўшма Штатлар 1979 йилда Тайвань билан дипломатик алоқаларни узиб, Хитой билан алоқа ўрнатган. Аммо Вашингтон "ягона Хитой" сиёсатини тан олган ҳолда, айни пайтда Тайвань маъмурияти билан алоқаларни давом эттирмоқда ва мамлакатга қурол-яроғ етказиб бермоқда.
Live
Барчаси
