AQSH qo‘shinlarining uchdan bir qismini Yevropadan olib chiqib ketishi mumkin

Vashington Yevropada joylashgan AQSH harbiylarining 30 foizini qayta joylashtirishga qaror qilishi mumkin. Bu haqda NATOdagi manbaga tayanib, “Politico” xabar berdi.

Gazeta manbasi Amerika kontingentini Yevropada sezilarli darajada qayta guruhlash ehtimoli haqida xabar berdi. AQSHning ko‘xna qit’adagi qo‘shinlari soni bo‘yicha yakuniy qaror global kuchlar muvozanatini ko‘rib chiqish natijalariga ko‘ra qabul qilinadi. Pentagon yakuniy hisobotni sentyabr oyida e’lon qilishi kutilmoqda.

Nashrda ta’kidlanganidek, Yevropadagi AQSH qo‘shinlarining hozirgi soni 90 mingdan 100 ming kishigacha. AQSHning Yevropadagi harbiy kontingentining rejalashtirilgan qisqarishi Hind-Tinch okeani mintaqasida keskinlikning kuchayishi, shuningdek, Vashingtonning uning xorijdagi mavjudligi uchun xarajatlarini kamaytirish niyati bilan bog‘liq bo‘lishi mumkin. 

Ma’lumot uchun, AQSH butun dunyoni qamrab olgan 1000 ta harbiy bazadan iborat tarmoqqa ega. 80 dan ortiq mamlakatlarda kamida 170 000 AQSH askari bor. AQSHning eng ko‘p sonli qo‘shinlari Yaponiya, Germaniya va Janubiy Koreyada joylashgan.