АҚШ Ироқда ИШИДнинг қочқин етакчисини йўқ қилди
Олам
−
15 Март 1757
АҚШ Президенти Дональд Трамп америкалик ҳарбийлар Ироқда ИШИД террорчилик ташкилотининг қочқин етакчисини йўқ қилганини эълон қилди. Бу ҳақда у ўзининг Truth Social ижтимоий тармоғида ёзиб қолдирди.
“Ироқда ИШИДнинг қочқин етакчиси йўқ қилинди. Бизнинг қўрқмас аскарларимиз уни тинимсиз таъқиб қилишди. У ва яна бир ИШИД аъзосининг аянчли ҳаётига Ироқ ҳукумат ва Курдистон минтақавий ҳукумати билан ҳамкорликда нуқта қўйилди. Куч орқали тинчлик!” деб ёзди АҚШ Президенти.
Лекин, у йўқ қилинган террорчиларнинг исмларини ошкор этмаган.
Эслатиб ўтамиз, аввалроқ ҳам АҚШ Марказий қўмондонлиги (CENTCOM) кучлари Суриянинг Дайр аз-Заур вилоятида ИШИД раҳбари Абу Юсуфни (тахаллуси Маҳмуд) йўқ қилганди. Унга қилинган ҳужум оқибатида икки нафар ИШИД жангариси ҳам ўлдирилган.
Live
Барчаси
