АҚШ демократия саммитига Ўзбекистонни таклиф қилмади

Олам 9118
image

АҚШ жорий йилнинг декабрь ойида бўлиб ўтадиган “Демократия саммити”да иштирок этиш учун  таклиф этилган 110 давлат рўйхатини эълон қилди. Рўйхатга Ўзбекистон киритилмаган.

Қайд этилишича, собиқ СССР давлатлари орасида Украина, Арманистон, Грузия, Молдова, Литва, Латвия ва Эстония таклиф этилганлар рўйхатидан жой олган. Россия, Беларусь, Қозоғистон, Қирғизистон, Тожикистон, Ўзбекистон ва Озарбайжон эса иштирокчилар орасида қайд этилмаган.

Маълумот ўрнида, Вашингтон жорий йилнинг 9-10 декабрь кунлари видеоконференцалоқа орқали мамлакат раҳбарлари, ҳуқуқ ҳимоячилари ва ишбилармонлар иштирок этадиган “Демократия саммитига” мезбонлик қилади.

Аввалроқ, Россия Ташқи ишлар вазири Сергей Лавров АҚШ томонидан ташкил этиладиган саммит “одамларни, давлатларни демократик ва нодемократикликка ажратиш”га қаратилганини айтганди. Унинг фикрича, бундай саммитга кўплаб давлатларни таклиф қилиш орқали Америка ўз ҳаракатларини оммавийлигини кўрсатишга ҳаракат қилмоқда.

Диёра Абдураҳмoнова
Мақолага баҳо беринг
Баҳолаганлар: 538
Рейтинг: 2.9
Теглар
t
×