Афғонистонда намойишчилар ва хавфсизлик кучлари ўртасида отишма юз берди

Олам 30 Январь 15:37

4840

Афғонистоннинг Майдан-Вардак провинциясидаги намойишлар пайтида норозилик кучлари ва маҳаллий аҳоли ўртасида отишма юз берди. Оқибатда 9 киши ҳалок бўлди. Бу ҳақда Туркиянинг “Анадолу” ахборот агентлиги хабар бермоқда.

Мамлакат Ички ишлар вазирлиги матбуот котиби Ториқ Арйенга кўра, намойишчилар орасида қуролланган одамлар бор бўлган ва хавфсизлик кучлари ўт очишига тўғри келган.

Маълум қилинишича, тўқнашув оқибатида 9 киши ҳалок бўлган ва 12 киши яраланган. Уларнинг орасида полиция ходимлари ҳам бор.

Вазирлик вакилининг таъкидлашича, ўқ отишни бошлаган қуролланган шахслар қўмондон Абдул Ғани Алипур бошчилигидаги ҳазорий жангарилари бўлган.

Ўз навбатида, Афғонистон вице-президенти Сарвар Дониш ижтимоий тармоқларда ушбу воқеа Майдан Вардак вилоятининг Баҳсуд туманида содир бўлганини тасдиқлади. Унинг ёзишича, хавфсизлик кучлари намойишчиларга қарата ўт очган.

Фаррухжон Муродқулов

Мақолага баҳо беринг

Баҳолаганлар: 159

Рейтинг: 3