Афғон хавфсизлик кучлари Туркманистон билан чегарадаги портни “Толибон”дан қайтариб олди

Олам 9839
image

Аввалроқ “Толибон” ҳаракати жангарилари Афғонистоннинг Эрон ва Туркманистон билан чегарасидаги назорат пунктларини эгаллаб олгани ҳақида хабар берган эдик. Афғонистоннинг Туркманистон билан чегарадаги Акина савдо порти Афғонистон мудофаа ва хавфсизлик кучлари назорати остида қайтди, дея хабар бермоқда Шохин номидаги Афғонистон Миллий армияси корпуси Матбуот маркази.

Хабарларга кўра, Акинада жойлашган қўшма ҳукумат кучларига раҳбарлик қилувчи 6-чегара бригадаси штаби бошлиғи, полковник Себгатулла Нури порт уларнинг барқарор ишлашини таъминлаш учун жиддий хавфсизлик чораларини кўрганини айтди. 

“Бу соҳадаги хавфсизлик ҳолати ҳукумат кучларининг тўлиқ назорати остидадир, Акина савдо портидан 12 километр радиусда “хавфсизлик камари” яратилган ва биз террорчиларнинг ишингизга аралашишига йўл қўймаймиз”, дейди Нури 209-корпус матбуот Маркази томонидан келтирилган маълумотда.

Акина — Туркманистон билан чегарадош иккита портдан бири. Иккинчиси, ғарбий Ҳирот вилоятидаги Турғунди ҳали ҳам толиблар назорати остида. Акина портини озод қилиш ишлари ҳақида тўлиқ хабар берилмаган.

Айни пайтда Афғонистон Мудофаа вазирлиги матбуот Маркази ўтган кун давомида бутун мамлакат бўйлаб тўқнашувлар пайтида 206 нафар “Толибон” аъзоси ўлдирилгани, 101 киши яралангани ва 13 киши ҳибсга олинганини хабар қилди. Ҳарбий бўлим маълумотларига кўра, тўқнашувлар кун бўйи Лагман, Кунар, Нангарҳар, Қандаҳор, Бадғис, Жаузжон, Саманган, Сари-Пул, Балх, Тахар ва Бамиан вилоятларида давом этган.

Аввал хабар берганимиздек, Aфғонистон шимоли-ғарбий қисмидаги Бадғис вилоятининг барча туманлари “Толибон” назорати остига ўтди.

Президент Гурбангули Бердимуҳамедов эса Хавфсизлик Кенгашининг кенгайтирилган йиғилишини ўтказиб, унда Бердимуҳамедов ва ҳарбий идоралар раҳбарлари қўшни Афғонистондаги беқарор вазиятни муҳокама қилиб, икки мамлакат чегарасида туркман қўшинларининг ҳарбий сафарбарлигини ошириш имкониятини кўриб чиққанди.

9 июль куни “Толибон” ҳаракати Туркманистон билан чегарадаги Турғунди шаҳрини эгаллаб олиб, жанг пайтида снарядларнинг бир қисми Туркманистон ҳудудига ўтганидан сўнг Туркманистон Афғонистон билан чегарага ҳарбий қўшин ва техникаларини жойлаштиришни бошлади.

Умиджон Нозимжонов
Мақолага баҳо беринг
Баҳолаганлар: 258
Рейтинг: 2.9
t
×