Абдусатторов ва Карлсен яна бир турнир финалида тўқнаш келади
Спорт
−
12 Июль 2023 5419
Шахматнинг рапид йўналиши бўйича онлайн тарзда ўтказилаётган “The Aimchess Rapid-2023” турнирининг финалчилари маълум бўлди.
Унга кўра, кеча, 11 июль куни мусобақанинг 1/2 финал учрашувида АҚШ шарафини ҳимоя қилиб келаётган Левон Аронян (2743) билан куч синашиб, 2,5:0,5 ҳисобида ишончли ғалабага эришган ўзбекистонлик гроссмейстер Нодирбек Абдусатторов (2703) илк финалчига айланди.
Иккинчи ярим финал жуфтлигида эса норвегиялик Магнус Карлсен (2829) америкалик Фабиано Каруано (2752) устидан 2,5:1,5 ҳисобида зафар қучди. Энди бош соврин учун Нодирбек Абдусатторов ва Магнус Карлсен ўзаро баҳс олиб боради.
Маълумот учун, мазкур турнирнинг умумий соврин жамғармаси 235 минг долларни ташкил қилади.
