Abdusattorov va Karlsen yana bir turnir finalida to‘qnash keladi
Sport
−
12 iyul 2023 5447
Shaxmatning rapid yo‘nalishi bo‘yicha onlayn tarzda o‘tkazilayotgan “The Aimchess Rapid-2023” turnirining finalchilari ma’lum bo‘ldi.
Unga ko‘ra, kecha, 11 iyul kuni musobaqaning 1/2 final uchrashuvida AQSH sharafini himoya qilib kelayotgan Levon Aronyan (2743) bilan kuch sinashib, 2,5:0,5 hisobida ishonchli g‘alabaga erishgan o‘zbekistonlik grossmeyster Nodirbek Abdusattorov (2703) ilk finalchiga aylandi.
Ikkinchi yarim final juftligida esa norvegiyalik Magnus Karlsen (2829) amerikalik Fabiano Karuano (2752) ustidan 2,5:1,5 hisobida zafar quchdi. Endi bosh sovrin uchun Nodirbek Abdusattorov va Magnus Karlsen o‘zaro bahs olib boradi.
Ma’lumot uchun, mazkur turnirning umumiy sovrin jamg‘armasi 235 ming dollarni tashkil qiladi.
Live
Barchasi
