8 ойда Ўзбекистонда 3450 та юк автомобили ишлаб чиқарилган

Ўзбекистон Республикаси Давлат статистика қўмитаси 2019 йилнинг ўтган 8 ойи давомида мамлакатда  ишлаб чиқарилган автомобиллар ҳамда тракторларнинг умумий сони ҳақида маълумот берди.

Бунга кўра, Ўзбекистонда енгил автомобиллар ишлаб чиқариш ҳажми 49,5 фоизга ошган. Яъни 2019 йилнинг 8 ойида 172 минг 748 дона автомобиль ишлаб чиқарилган. 2018 йилда  бу кўрсаткич 115 минг 542 донани ташкил этган. 

Юк автомобилларини ишлаб чиқариш эса 40,5 фоизга ортди. Жумладан 2019 йилнинг 8 ойида 3 минг 450та юк машиналари ишлаб чиқарилган бўлса, ўтган 2018 йилда бу кўрсаткич 2минг 455 донани ташкил этган.

Автомобиль двигателларини ишлаб чиқариш 53,5 фоизга ошди. Хусусан, 2019 йилнинг 8 ойида 131минг 7дона двигателлар ишлаб чиқарилган бўлса, 2018 йилда 85 минг 353 дона двигатель чиқарилган. 

Шу йилнинг ўтган 8 ойида трактор ишлаб чиқариш ҳажми 983 донани ташкил этди, бу 2018 йилнинг шу даврига нисбатан 60,4 фоизга камдир.