20 йилдан сўнг “Ньюкасл” Европанинг асосий футбол турнирига йўлланма олди
Спорт
−
23 Май 2023 4193
“Ньюкасл” сўнгги 20 йил ичида биринчи марта Европа Чемпионлар лигасида ўйнайдиган бўлди.
Англиялик мутахассис Эдди Хоу мураббийлигидаги жамоа Англия чемпионатининг 37-турида “Лестер” билан дуранг ўйнади (0:0).
“Магпийлар” бу мавсум АПЛда 70 очко тўплади ва 4-ўриндан пастга тушмади. “Манчестер Юнайтед” 36 ўйиндан сўнг 69 очкога, “Ливерпуль” эса 37 ўйиндан кейин 66 очкога эга.
“Ньюкасл” 2002/2003 йилги мавсумдан бери илк бор Европа Чемпионлар лигасига йўлланма олди.
2003/2004 йилги мавсумда “Ньюкасл” ЕЧЛнинг 3-саралаш босқичида ўйнаб, гуруҳ босқичига чиқа олмаганди. Ўша мавсумда клуб UEFA кубогининг ярим финалига чиққан.
