Мирзиёев: Суриядан қайтганларга конституциявий чора кўрилмайди
Жамият
−
03 Июнь 2019 6288
Хабарингиз бор, айни пайтда Тошкент вилояти ҳокимлигида Президент Шавкат Мирзиёев раислигида видеоселектор йиғилиши бўлиб ўтмоқда.
Тошкент вилояти ҳокимлигининг хабар беришича, Президент Шавкат Мирзиёев махсус топшириққа биноан, Сурияда бўлиб ўтаётган уруш ҳудудидан олиб келинган 156 нафар Ўзбекистон фуқаролари, асосан аёллар ва болалар ҳақида фикр билдирар экан шундай деган:
“Уят бўлса ҳам айтиш керак, 156 нафар Сурияга кетганлар нима учун кетган? Кимни излаб кетган? Тан олиш керак, биз уларга шароит яратиб бермаганимиз учун кетган!
Мен конституцияга кўра, уларга чора кўришим керак аслида. Лекин, мен ундай қилмайман. Чунки, улар ўзбек, бизнинг Ватандошларимиз!..
Уларни Ватанга олиб келиш азоб бўлди. Жуда оғир бўлди. Биз ҳаммамиз бу ҳолатни чуқур ўйлашимиз керак”, деб айтиб ўтган Президент.
