АҚШда ёғган кучли қор 21 кишининг ўлимига сабаб бўлди 

Олам 2155
image

АҚШ жанубига ёпирилган кучли қор бўрони 21 кишининг ҳаётига зомин бўлди ва миллионлаб оилаларни электр энергиясиз қолдирди. 

Хабарларга кўра, қор ва совуқ туфайли Техас, Луизиана, Кентукки, Шимолий Каролина ва Миссури штатларида ўлим ҳолати қайд этилган.

Улар йўл-транспорт ҳодисаларида ва исинишга уринаётган пайтида углерод оксидидан заҳарланиб ҳалок бўлган. 

Ноқулай об-ҳаво туфайли Техасда бир неча бор электр энергияси билан боғлиқ авариялар қайд этилган. Паст ҳароратларга ўрганмаган штатда электр энергиясига эҳтиёж тобора ортиб бормоқда. 

Маҳаллий аҳоли нафақат электрсиз, балки сувсиз ҳам қолган. 

Техас аҳолиси ижтимоий тармоқларда исиниш учун мебелларни ёқа бошлаганидан шикоят қилган. 

Штатдаги совуқ об-ҳаво дам олиш кунигача давом этиши кутилмоқда. 

16 февраль ҳолатига кўра, АҚШ ҳудудининг 73 фоизини қор қоплаган. 

Қор бўрони, ҳатто, Мексиканинг шимолий ва марказий қисмларига ҳам таъсир қилган.

Рушана Султонова
Мақолага баҳо беринг
Баҳолаганлар: 83
Рейтинг: 2.9
Теглар
t
×