Ҳусановнинг “Сити”даги фаолияти бошланмасдан тугадими?

“Манчестер Сити” клубининг фан аккаунти Гвардиола Ҳусановни захирада қолдираётгани ҳақида ҳазил пост жойлади. Ушбу пост “Real talk Manchester City” Х саҳифасида жойланди.

Постга кўра, март ойидаги машғулотлардан бирида Гвардиола Ҳусановни қучоқлаб, сен чемпионсан, деган. Ҳусанов сен ҳам чемпионсан дейишнинг ўрнига шампунсан, деб юборган. Гвардиола эса буни каллиги учун устидан кулиш маъносида қабул қилган ва захира ўриндиғига “михлаган”. 

Вазиятга Рубен Диаш аралашиб, Ҳусанов инглиз тилини билмаслиги учун адашиб кетганлигини айтган. Аммо бу мураббийни фикридан қайтара олмаган. 

Маълум бўлишича, бу воқеа умуман содир бўлмаган. Бу шунчаки клуб мухлисларининг шампунь мавзусидаги ҳазил рубрикаси ва бу рубрика Ҳусановда ҳам давом эттирилган. Аввалроқ, бу йўналишдаги ҳазил клубнинг бир қанча футболчиларида қўлланган. Мисол учун, Лерой Санега ҳам шампунь мавзусида ҳазил қилинган.