Ҳусанов “Сити”да яна бир кубок ютди

Бугун, 16 май куни Англия Кубоги финал баҳси бўлиб ўтади. Бош соврин учун курашда “Манчестер Сити” 1:0 ҳисобида “Челси”ни мағлубиятга учратди ва кубок соҳиби бўлди.

Учрашувнинг биринчи бўлими қарама қарши ҳужумларда кечган бўлишига қарамай, ҳисоб очилмади. Иккинчи бўлимнинг 57-дақиқасида Ҳусанов рақибга ишлатган қўполлиги учун огоҳлантирилди. Ўйиннинг ягона голи 72-дақиқада Ҳоланднинг узатмасидан кейин Антуан Семеньо томонидан киритилди. Учрашув сўнгига қадар ушбу ҳисоб сақланиб қолди ва “Манчестер Сити” 2025-2026 йилги Англия Кубогини қўлга киритди.

Абдуқодир Ҳусанов учрашувда тўлиқ 90 дақиқа ҳаракат қилди. “Sofascore” портали талқинига кўра, Ўзбекистон миллий терма жамоаси ҳимоячисининг финалдаги ҳаракатлари 6,7 балл билан баҳоланди. Ушбу соврин Ҳусанов “шаҳарликлар” сафига қўшилганидан бери 2-кубоги бўлди.

Бунгача Абдуқодир жорий йилнинг 22 апрель куни Англия Лига кубоги финалида “Арсенал” устидан қозонилган ғалаба орқали Лига кубогини қўлга киритилганди. Шунингдек, “Манчестер Сити” Англия Премьер-лигасида ҳам чемпионлик учун кураш олиб бормоқда. Мавсум тугашига икки тур қолган бир пайтда “шаҳарликлар” “Арсенал”дан икки очко орқада бормоқда. Агар қолган икки турда “Арсенал” очко йўқотса, Ҳусанов жамоаси мавсумни ички требл билан якунлаш имкониятига эга бўлади.